Mállaus drengur bænheyrður

Ekki fyrir svo löngu síðan í úthverfi Reykjavíkur var mállaus drengur sem átti þá ósk heitasta að geta talað.  Þrátt fyrir ítrekaðar heimsóknir á læknisfræðilegar meðferðarstofnanir, kaup á orkukristöllum og setu í námskeiðum um þróunarkenningu Darwins kom allt fyrir ekki.  Drengurinn gat ekki stunið upp stöku orði.  "Uhhh umm.." umlaði hann án þess að hægt væri að greina hvað það þýddi.  Vildi hann tala "um" eitthvað?

Það var ekki fyrr en drengurinn setti smæð sína í samhengi alheimsins að hann áttaði sig á því hvar svarið lægi. Faðir alls lífs, alls sem er, hlaut að geta rétt honum sprota af miskunn sinni og linað þjáningar hans. 

Bað hann Guð sinn, Spaghettí Skrímslið Fljúgandi, um að losa sig úr þeim fjötrum sem málleysið skapaði honum.  Bænir drengsins voru þrungnar innilegheitum og einlægni.

Það leið ekki að löngu þangað til drengurinn fann birtu og yl fæðast innra með sér.  Hann greip í hönd móður sinnar og stundi upp fyrstu orðunum "uuhhhmm....hh....mamma okkur er borgið, sjá lausnarinn hefur leyst mig úr prísund minni!"

Já, Spaghettí Skrímslið launar þeim og bænheyrir sem trúa í hjarta sínu á hann.

Athugasemdir

[Mofi, 24.7.2007 kl. 10:56]

Smá galli við þetta allt saman, það er enginn sem trúir í alvörunni að spagettí skrímslið er til. Drottinn gaf ykkur samvisku og þið vitið að það er rangt að ljúga og enginn sem lýgur mun öðlast eilíft líf.

[Spagettí Skrímslið Fljúgandi, 24.7.2007 kl. 11:47]

Það er afneitun að viðurkenna tilvist Spagettí Skrímslisins. Hvað er það sem þú hefur á móti því að fólk trúi á Spagettí Skrímslið Fljúgandi og þeirri sögu sem  Biblía Spagettí skrímslisins kennir okkur? 

Ég algjörlega sannfærður um að staðreyndirnar staðfesta tilvist Spagettí skrímslisins. Hvaða staðreyndir eru það sem staðfesta þína trú?

Drottinn vor Spagettí Skrímslið gaf okkur vora samvisku, við ljúgum engu upp á Skrímslið. Þegar líkamar okkar deyja mun Spagettí Skrímslið vefja okkur örmum sínum og færa okkur á betri stað.

[Mofi, 24.7.2007 kl. 14:01]

Ég hef nóg af staðreyndum og ég trúi án nokkurs efa að Jesú er Guð.  Ég hef enga trú að "þú" trúir að Spegettí skrímslið er til, ert aðeins að ljúga ef þú heldur því fram að þú trúir að það sé til. 

Bara til að leika þennan ljóta leik, hvaða staðreyndir styðja tilvist Spagettís skrímslins?

[Sigurður Karl Lúðvíksson, 24.7.2007 kl. 15:23]

Hvaða illska og dónaskapur er í þér mofi að bera ekki virðingu fyrir trúarbrögðum annara, halda því bara blákalt fram að tilvist fljúgandi spagettí skrímslisins er ekki til, þegar tilvist og lífshamingja mannsins byggist á því. Er þetta það sem þinn guð kennir þér, að mismuna fólki?

Hvaða staðreyndir? Það stendur auðvitað í bók mofi!!!

[Henry haugen (IP-tala skráð) 24.7.2007 kl. 22:22]

Það væri réttast að banna þig enda ert þú einungis með skrípahátt frammi fyrir lesendum blog.is og hef ég ekki séð annað eins blog sem vert væri að banna og þá er mikið sagt. Þitt blogg er ekki á málefnalegum grunni. Ég hef ekki séð eins afstyrmilega tilraun til að gera lítið úr hugmyndaheimi velflestra sem leita að skilningi á hinu óútskýranlega.

Það er blogg hérna sem mætti ætla vera á vegum Vantrú og ber ég virðingu fyrir því. Það sama er ekki hægt að segja um þitt blogg. Þú ert með þrjár færslur í trúarbragðaflokkinum í dag 24. júlí og þetta merkir einungis að þú ert með hag lesanda þessa flokks á hornum þér með tilheyrandi óþægindum fyrir lesendur.

[Sigurður Karl Lúðvíksson, 24.7.2007 kl. 22:34]

BWHAHAHA, er sannleikurinn óþægilegt eitur í litlu lyga-sápukúlunni??

Þetta ágæta blogg spagettískrímslisins er auðvitað bara svar við öllu þessu fáráðsskríparugli sem þið trúartrúðar haldið úti hérna og á ekki neina einustu virðingu skilið!

[Henry Haugen (IP-tala skráð) 24.7.2007 kl. 23:47]

Hvað er þetta Sigurður! Fólk er þó einlægt en það sama er ekki hægt að segja um þetta blogg sem er einungis afskræming og háð, hvort er málefnalegra?

[Spagettí Skrímslið Fljúgandi, 25.7.2007 kl. 09:12]

Við pastafaríar erum sumir tvístígandi í trúnni á hinn heilaga núðluleika og er það ekki svo óskiljanlegt.  Í upphafi kom hann fyrir ýmsum fölskum vísbendingum um uppruna lífsins sem prófstein trúar okkar á hann.  Sumir afvegleiðast, en þeir geta treyst á okkur hina til að styrkja sig í trúnni.

Við skulum minnast þess sem stendur í tilsagnarorðum hins heilaga Fljúgandi Spagettí Skrímslis:
"Ég myndi helst ekki vilja að þú létir sem helgislepjulegur 'heilagari-en-þú' asni þegar þú lýsir minni núðlulegu góðmennsku. Ef fólk trúir ekki á mig þá er það allt í lagi. Í alvöru, ég er ekki hégómagjarn. Þetta er hvort'eð er ekki um þá, svo ekki skipta um umræðuefni."